Binalaan ni Marikina City Mayor Maan Teodoro ang mga empleyado ng pamahalaang lungsod laban sa hindi magandang pag-uugali sa publiko sa gitna ng pagdami at pagdagsa ng mga taxpayers at mga business owners na nakikipagtransaksyon sa City Hall sa simula ng taon na humantong sa mahabang linya.
Ito ay matapos makatanggap ang alkalde ng mga reklamo na ang ilang mga taxpayers at mga aplikante ng business permit ay hindi tinatrato sa pagbabayad ng mga buwis sa real property at sa pag-renew ng mga business permit.
Sinabi ni Teodoro na ang ganitong pag-uugali ay hindi katanggap-tanggap at hindi sumasalamin sa kalidad ng serbisyong ipinagmamalaki ng Marikina.
Pinaalalahanan niya ang lahat ng empleyado ng lungsod na ang kagandahang-loob, paggalang ay dapat mangibabaw sa lahat ng oras, anuman ang bigat ng trabaho o presyon dahil ang tiwala ng publiko ay nabuo sa pamamagitan ng pang-araw-araw na pakikipag-ugnayan sa mga nasasakupan.
Inatasan narin ni Teodoro ang mga tanggapan na humahawak ng mga reklamo at kahilingan, lalo na ang mga namamahala sa Marikina e-Concern, na tiyaking maagap, malinaw, at may pananagutan na aksyon sa lahat ng mga alalahanin na ibinangon ng mga residente.
(Archie Amado)
